poetry

Umigib Ka Kaya ng Pag-Ibig Sa Balong Laon Nang Nasaid
ni Mario Ignacio Miclat

Ano pa ba
Ang dapat gawin

Kung wala nang bisa ang
     mangarap, mangusap
     umiyak, gumayak
     tumula, lumura
     magalit, magngitngit
     manood at magpatianod?

Kung wala nang gana ang
     kumain, dumaing
     humigop, humubog
     magbasa, kumasa
     magpausok, magpatusok
     uminom o magpakagumon?
Kung ayaw mo nang
     magsaing, magswimming
     magdancing, mananching
     magdasal, magsalsal
     kumanta o kumantot?
     Ano pa ba ang dapat

Di ka naman puwedeng magpatay-patayan
At walang kapwa tao ang magpatiwakal.

back to poetry | home