fiction

Cadena de Amor
ni Cles B. Rambaud

A DAYOAK pay ngem mangmangngegkon ti ariwangwang ni nanang iti balay. Simmangpet a naggapu idiay ili a naggatanga..na iti nayon ti yatangna inton rabii. Bisperas ti Piestat’ Kararua ita.

Da Manang Cita, Manang Luming ken Jenny ti ung-ungtan ni nanang. “An’alat’ kinkinuyuayon?” inggaged ni nang. “Diyo met inupran ti diket, aya, Cita? Dikay pay nagdalus! Awan pay isungrod. Diyo pay inugasan ti pariok! Kaskay met la di babbain!”

Nakadagdagsen ti paddak ni nanang a nagpakosina. Madamdama pay, nagpalakupok ti danum iti bangsal.

“Ala, dikay malla agob-obran no isut’ kayatyo! Inkay man agaweren! Wenno inkay man agpamanikiuren ta isut’ ammoyo!”

Saan a simmungbat niManang Cita. Pagam-ammuan, natangadkon iti tuktok ti agdan.

back to writing from the regions | fiction | home