| poetry
Nagdinamag: natabukolan met laeng
Ni Meyor idiay dakkel a sarusar
Ugaw a mangitartaray bagas, pamusian
Agraman bin-i’t nakaluban a burnay.
Kuinada: ti ugaw nagpakpakaasi piman
A ruk-atan ni Meyor ta nakababain unay
Idiay pagarianda no inda maammuan
Pannakatabukolna nga inda pagtamdan.
Ti ugaw naruk-atan ngem kunada nasuktan
Bassit nga ugaw awan sa pay kasla tangan
Kadagiti mata ti tabukol mabalin a lumsot pay
Ngem kuna ni Meyor: “Daytoy ti mannanakaw!”
Nagdinamag: ni Meyor no agluton
sangasinublan
Balaynat’ balitok, pagdigosna diro ti uyokan
Karisonna pumalaud, pumaamianan
Dagana’t di malayaw ti bullalayaw
Ay, pudnon sa ti damag, ni Meyor nasagutan
Iti kadus ti ugaw, ni Midas abaknan!
back to writing
from the regions | poetry
| home |
