| poetry
Si mamay kong Mayon
Nagmamamá na naman
Namumula-pula an ngudoy
Nagdudugo-dugo an liwuy
Atyan káyan makuspa ka na naman
Sa panginuron
Ata hari bayá magparamamá
Abó na ning saimong abo
Pagtugá baya na dai ka na matuga
Pundo na ning saimong bisyo
Nudi kun paghorop-horopon
Kun an saimong dai pagtuga
Senyas na kan saimong kagadanun
Hala sige na lugod Mamay kong Mayon
Pagmamá na lugod gilayon!
back to writing
from the regions | poetry
| home |
