poetry

Tisyu Paper
ni Errol A. Merquita

Mao ni imong gipahid
          dihang mihapla
          ang pansit sa imong aping,
          dihang nangatakag
                    ang sikma’g luha sa
                    imong nawong.

Mao ni imong gipanglimpyo
          sa iyang gisuka
          dihang nahubog siya,
          sa imong gisugpa,
          dihang nag-maoy siya.

Sukad sa inyong kaminyuon,
          ang imong kinabuhi ug
          ang tisyu paper
          nagtuyok-tuyok

aron kumuton,
          pangpahid sa hugaw,
                    pangflash sa kasilyas.

April 2006