poetry

villanelle in Pangasinan
ni Santiago B. Villafania

"Education's,only,the,Envelope--
Give,me,the,Letter."   -- Jose Garcia Villa

say talabay et sobri lambengat
ya anggapo'y iyan ono karga
iter o yaoat yo'd siak so sulat

no iner inkorit ira'y bangat
pangoliran tan saray simbaoa
say talabay et sobri lambengat

anggapo'y balur a singa galat
singa dunong ya ag ikakana
iter o yaoat yo'd siak so sulat

ta pian nagamoran so piraoat
a pangioanoan ed inkapalsa
say talabay et sobri lambengat

aya et nayarin naandipat
no ag niubol ono nilikana
iter o yaoat yo'd siak so sulat

ta oadtan ira'y tepet tan ebat
ed durungaoa'y bilay dia'd talba
say talabay et sobri lambengat
iter o yaoat yo'd siak so sulat

back to writing from the regions | poetry | home