Katanungan
Ano ang pangunahing layunin ng samahan?
Sagot 
Ang pangunahing layunin ng mga samahan ay ang makamit ang kanilang iisang hangarin. Nasa iisang samahan ang mga kasapi dahil pinag-iisa sila ng iisang adhikain o naisin.
Ang pagkakaroon ng iisang mithiin ay nakapagbubuklod ng mga tao kahit na mayroon man silang pagkakaiba sa iba’t ibang aspekto.
Maganda ang layunin ng bawat samahan kung ang kanilang nais ay para sa ikabubuti ng marami at hindi lamang ng kanilang pangkat.
Gayunman, marami din namang pangkat ang nakasentro sa mga naisin nila para sa kanilang mga kasapi at nakatuon sa iisang resulta. Kung ganito ang kaso, hindi rin naman maituturing na masama ito dahil ito rin naman ang gamit ng pagtatatag ng mga samahan.
