Katanungan
Bakit mahalaga ang kapaligiran sa paghubog ng kabihasnang tao?
Sagot 
Ang kapaligiran ay napakahalaga sa paghubog ng kabihasnang tao dahil sinasabing ito ang isa sa mga dahilan kung bakit nagkakaroon ng pagbabago sa pananaw ng isang indibidwal.
Ayon sa pag-aaral ng heograpiyang pantao, ang tao ay labis na nakadepende sa kaniyang kapaligiran mula sa kaniyang kakainin, titirhan, at maging sa mga pagpapahalagang mabubuo.
Ang kapaligiran kasi ang nagtatakda kung anong uri ng pamumuhay ang angkop sa isang tao. Kung ang isang kapaligiran ay kinabibilangan ng mga taong may mataas na pagpapahalaga sa eduaksyon, asahang ang tao ay magkakaroon din ng inspirasyon upang mahubog ang interes niya sa pag-aaral. Kung ano ang nasa paligid, iyon ang nagiging buhay ng isang tao at humuhubog sa kaniya.
