Katanungan
Bakit mahalagang pag-aralan ang kontemporaryong isyu? Ito po ba yung mga nasa 24-oras news?
Sagot 
Ang bawat araw na inilalagi natin sa mundo ay panibagong araw din upang mayroong umusbong na isyu o usapin. Sabi nga, hangga’t hindi natatapos ang buhay ng tao ay patuloy ang mga isyung kaniyang kasasangkutan.
Ito rin ang dahilan kung bakit mahalagang pag-aralan ang mga kontempraneyong isyu. Ito ay mga isyung napapanahon at mainit na pinag-uusapan sa kasalukuyan.
Mahalaga itong malaman dahil nakaangkla ito sa kasalukuyang panahon sa mundong ginagalawan natin at lahat tayo ay apektado.
Kaya naman makatuwiran lamang na makiaalam at pag-aralan ang mga usapin at tuklasin sa kung saang paraan tayo makapagbibigay ng tulong o kung kaya ba nating maging bahagi ng solusyon sa nasabing isyu.
