Mayroong isang malakas at mala-higanteng lalaking nakatira sa isa sa pitong bayang nasa Kenya. Siya si Liongo, isa ring kilalang mahusay na manunulat at makata mula sa kanilang lugar sa baybaying dagat.
Maliban sa angking katalinuhan, malakas din si Liongo na hindi tinatablan ng anumang armas. Gayunman, mayroon siyang kahinaan na sila lamang ng inang si Mbwasho ang may alam. Ikamamatay ni Liongo kapag siya ay natamaan sa kaniyang pusod.
Hari si Liongo ng iba’t ibang lugar sa kanilang bayan. Namumuno siya sa Ozi at Ungwana sa Tana Delta. Gayundin sa Isla ng Pate o kilala rin bilang Shangha sa Faza. Nasakop niya mula sa pinasang si Haring Ahmad ang Pate.
Nagkaroon ng pagbabago sa pamumuno. Mula sa pagiging Matrilinear kung saan kababaihan ang namumuno, naging Patrilinear ito na lalaki ang naghahari. Dahil sa inggit at inis, gumawa ng paraan si Haring Ahmad para ibilanggo si Liongo.
Itinali siya gamit ang kadena at ikinulong. Nag-isip naman si Liongo ng isang papuri dahil mahusay siyang sumulat. Inawit ng mga nasa labas ng piitan ang kaniyang isinulat. Habang umaawit ang mga ito, nakaisip ng paraan upang makatakas si Liongo.
Hinayaan siya ng mga taong makawala at nanirahan sa kagubatan kung saan nagsanay ng mga armas kabilang ang pana. Sumali siya sa isang patimpalak at nagwagi. Iyon pala, pakana ito ng hari para mahuling muli si Liongo ngunit nakatakas ito.
Nagwagi siya sa labanan sa Gala. Sa tuwa ng hari, ipinakasal nito ang anak kay Liongo at nagkaroon ng pamilya. Ngunit paglaon ng panahon, nakitil si Liongo ng sariling anak na lalaki.
Sana ay nagustuhan ninyo ang itong buod ng Liongo. Check ninyo ang mga iba pa naming posts, marami pa kaming mga buod. Salamat!
