Katanungan
Paano ka magkakaroon ng tiwala sa sarili?
Sagot 
May iba’t ibang paraan upang magkaroon ng tiwala sa sarili. Una na rito ay ang paniniwala sa sariling kakayahan. Walang ibang magtitiwala sa sarili mo kung hindi ikaw lamang kaya dapat mong sanayin ang sarili mo na pagtiwalaan ang mga abilidad mo.
Ikalawa, ugaliin ang pagsasanay upang lalong lumakas ang iyong kompiyansa. Kung alam mong ginawa mo ang lahat ng makakaya mo upang palakasin ang mga talento mo, siguradong lalakas din ang tiwala mo sa iyong sarili dahil alam mong hindi ka mapapahiya anuman ang iyong gawin dahil handa ka.
Panghuli, kinakailangan mo lamang ng mga taong magpapalakas ng iyong loob para gawin ang mga bagay na kinatatakutan.
