Katanungan
sa iyong palagay makatutulong ba sa iyo ang pagtukoy sa uri ng binasang teksto bakit pangatwiran?
Sagot 
Sa aking palagay, makatutulong sa akin ang pagtukoy sa uri ng binasang teksto dahil kapaki-pakinabang ito sa pagkakaroon ng organisado at malalim na konteksto o pang-unawa sa nais iparating ng teksto. Ang teksto ay naisusulat alinsunod sa uring hinihingi sa may akda nito.
Ang bawat uri ay nagtataglay ng angking layunin na nakatutulong sa mga mambabasa upang magabayan sila sa wastong pang-unawa sa katuturan nito.
Dahil dito, ang kaalaman sa iba’t ibang uri ng teksto ay napakahalaga dahil maiiwasan ng mambabasa ang pagkalito at kaguluhan sa mga imporamasyong nababasa.
Gayundin, ang malinaw na pang-unawa sa binasa o pinag-aaralang teksto ay higit na nakakamit kung mauuri ang teksto na kapaki-pakinabang sa pagpapayaman ng ating isipan.
