Katanungan
saan kadalasang ginagamit ang manwal at liham pangnegosyo?
Sagot 
Ang manwal ay ginagamit upang magsilbing gabay ng isang tao sa paggamit ng isang bagay. Ang manwal ay naglalaman ng detalyadong paraan upang maisagawa ang isang bagay o matagumpay na magamit ang isang bagay.
Nasa manwal din mababasa ang ilan pang mahahalagang detalye tungkol sa isang produktong ginagamit na mahalagang malaman ng nagmamay-ari.
Ang liham pang negosyo naman ay isang uri ng liham na may kaugnayan sa kabuhayan, negosyo, o trabaho. Ito ay maaaring tumukoy sa mga liham na isinusulat ng isang negosyante para sa kaniyang mga kliyente o sa mga kasamahan. Maaari din itong pagpapaabot ng mensahe ng isang empleyado sa kaniyang kinabibilangang kompanya.