Mahirap ang pamumuhay ni Pinkaw at kaniyang tatlong anak. Tanging pamamasura lamang ang ikinabubuhay nila. Gayunman, positibo pa rin ang pananaw ni Pinkaw sa buhay. Masaya siyang nangangalakal.
Ang mga bagay na mapakikinabangan ay iniuuwi pa rin niya sa kanila. Sa basurahan na rin siya minsan kumukuha ng kanilang pagkain.
Si Poray ang panganay ni Pinkaw na labis sa pagkapayat. Si Basing naman ang ikalawa na isang bungal. Si Takoy naman ang bunso na pinakagwapo sa lahat.
Dahil sa iba-ibang hitsura ng mga anak niya, nababalitang iba-iba raw ang ama ng mga anak niya. Hindi naman ito pinapansin ni Pinkaw.
Minsan, nakapag-uwi si Pinkaw ng sardinas sa kanilang bahay na napulot sa basurahan. Pinakain niya ito sa kanyang mga anak. Dahil hindi na bago ang sardinas, sumakit ang tiyan ng tatlong anak.
Isinakay niya ang mga ito sa kanyang kariton upang isugod sa pagamutan. Binawian ng buhay ang isa niyang anak habang papunta sa ospital.
Nang makarating sa pagamutan, hindi sila inasikaso agad at inuna ang mapepera. Dahil dito, kinabukasan ay binawian din ng buhay ang dalawa pang anak.
Dahil sa pangyayari ay nawala sa katinuan ni Pinkaw. Hindi niya kinaya ang sinapit ng mga anak. Madalas na lamang makita si Pinkaw na palakad-lakads sa kalsada at nagiging tampulan ng tukso.
Sana ay nagustuhan ninyo ang buod ng Si Pinkaw. Check ninyo ang mga iba pa naming posts, marami pa kaming mga buod. Salamat!
