Sino si Ferdinand Magellan? Isinilang ang manlalayag na si Ferdinand Magellan noong isang tagsibol, taong 1480 sa Sabrosa, Portugal. Ang mga magulang niya ay sina Rodrigo de Magallanes at Quinta de Sousa. Maagang naulila si Magellan sa edad na sampu.
Noong siya ay nasa 25 anyos, dito nagsimulang maging manlalayag si Magellan nang sumama siya bilang unang viceroy ng Portugues na India.
Nagkaroon sila ng alitan ni Haring Manuel I kaya naman lumipad sa Espanya si Magellan. Dito nakapag-asawa si Magellan sa katauhan ni Maria Caldera Beatriz Barbosa at nagkaroon ng dalawang anak na agad na pumanaw sa batang edad.
Naglayag na si Magellan para sa kaharian ng Espanya kung saan higit na nakilala ang kaniyang pangalan.
Siya lang naman ang kauna-unahang eksplorador mula sa Espanya na nagtungo sa Asya at unang nakatawid sa Karagatang Pasipiko. Kinilala rin ito bilang unang ekspidisyon para sa sirkumnabigasyon.
Sa paghahanap nila ng Spice Island o Mollucas, napadpad ang paglalayag ni Magellan sa Pilipinas na inakala nila na ang hinahanap na isla.
Ngunit hindi naging madali ang pagsakop nila sa Pilipinas dahil lumaban ang mga katutubong nakaharap nila sa pangunguna ni Lapu-lapu. Nasawi siya sa labanang naganap. Ngunit ang kaniyang legasiya ay nagpatuloy hanggang sa tuluyang nasakop ng mga Kastila ang Pilipinas sa loob ng 333 taon.
