Katanungan
Ano po ba ang kahulugan ng Epiko?
Sagot 
Isang uri ng akdang pampanitikan ang epiko. Ang epiko ay naglalaman ng mga mahahabang tulay na pasalaysay kung saan ang naratibo ay ukol sa pagiging bayani ng isang pangunahing tauhan.
Maaari itong magkaroon ng elementong pang-teatriko, pelikula, at maging musika. Kadalasan rin ay hango ang isang epiko sa mga kwnetong kabayanihan na nangyari sa kasaysayan ng isang lipunan o pamayanan.
Ang naratibo sa isang epiko ay laging pakikidigma o hindi naman kaya ay ang mapagtagumpayan ang isang pagsubok.
Isa sa mga pinakasikat na epiko sa ating bansang Pilipinas ay ang epikong pinamagatang Biag ni Lam Ang mula sa rehiyon ng Ilokos.
Kahalagahan ng Epiko
Mahalaga ang pagbabasa, pag-intindi, at pag-aaral ng epiko dahil ito ay bahagi ng ating kultura at kasaysayan.
Ang mga epiko ay kwento ng mga bayaning nagpapakita ng katapangan at kahusayan sa pakikipaglaban para sa kanilang komunidad. Sa pamamagitan nito, natutunan natin ang mga aral at halaga na mahalaga sa ating buhay.
Naiintindihan din natin ang mga pamumuhay ng ating mga ninuno at ang kanilang paniniwala. Ang mga epiko ay nagbibigay-daan para sa atin na maging malikhain, na kung saan natututo tayong mag-isip nang malalim at maunawaan ang iba’t ibang aspeto ng buhay.
Bukod dito, ang pag-aaral ng mga epiko ay nagpapalalim sa ating kaalaman sa literatura at nagbibigay inspirasyon sa atin na maging mas mabuting tao.
Sa panghuli, ito ay nagdadala ng pagka-isa at pagka-kakilanlan sa ating komunidad, na nagbibigay daan para sa mas mataas na pag-unawa at pagpapahalaga sa ating kultura at tradisyon.
