Katanungan
Ano ang kaugnayan ng heograpiya sa kasaysayan?
Sagot 
Ang heograpiya at kasaysayan ay dalawang sangay ng pag-aaral ng ating mundo. Ang dalawa ay laging magkaugnay dahil hindi maaaring hindi mababanggit ang kalupaan kung kasaysayan ang pag-uusapan.
Karaniwang pagtatalo sa teritoryo at lupa ang naging ugat ng maraming kaganapan sa kasaysayan noon. Sa pamamagitan din ng heograpiya ay natutunton ang iba’t ibang lugar na pinangyarihan ng mga mahahalagang kabanata sa ating kasaysayan.
Kabilang din sa heograpiya ang pag-aaral sa wika, kultura, etnisidad, at pagpapahalaga ng mga tao na isang malaking saklaw at salik din sa pag-aaral ng kasaysayan ng isang bansa o ng isang partikular na lugar kaya naman hindi mapaghihiwalay ang ugnayan ng dalawang ito.
